هنتكلم النهارده عن الداتا شيت للوح الشمسي وايه اهم البيانات اللى بتكون موجوده فيها
اى لوح شمسي بيكون ليه داتا بتوصف الخصائص الكهربية الخاصه باللوح
بس قبل ما نكلم عنها لازم نعرف حاجه اسمها STC
Standard Test Condition
دى شروط قياسيه بيتم توافرها لكل الالواح فى حاله حضوعها للاختبارات
الشروط دى بتشمل 3 حاجات هى
- درجه الحراره ودى بتكون قيمتها 25 درجه مئوية
- الإشعاع الشمسي solar radiation بتكون قيمته 1000 وات/متر مربع
-المعامل الثالث اسمه Air Mass وده بيخص الزوايه بين الاشعه العموديه والاشعه اللى ساقطه بزوايا
بتكون قيمتها 1.5 قانونها بيكون 1/ جيب تمام الزاويه بين الشعا ع العمودى واى شعاع تانى ساقط على اللوح

الثلاث معاملات دول هتلاقيهم ف اى داتاشيت لاى لوح
طيب بالنسبه للبيانات اللى هنكلم عنها هنكلم عن القيم الاتيه :
1- max power ودى المقصود بيها قدرة اللوح
اى الباور او الطاقه اللي بنحصل عليها من اللوح الشمسي فى حاله توافر الثلاث شروط اللى قولنا عنهم فوق
مثلا بنلاقي قدرات المتعارف عليها ف الالواح 150 وات ، 255وات ،260 او 265 وات ،270 او 275 وات
دى القدرة للوح اللي ع حسب احتياج الاحمال بنشوف هنحتاج كام لوح من القدرة دى
فى رقم بيكون مع القدرة مكتوب ف بدايه الداتا شيت زى مثلا الصيغه دى 275w-60
الرقم 60 المكتوب ده بيخص عدد الخلايا cells المكونة للوح ومنها كمان بنقدر نحدد فولت اللوح ده ف ال 60 بنفهم منها انه 24 فولت
من القيم الموجودة كمان ف الداتا شيت max current (Im) ودى المقصود بيها اقصي قيمه للتيار نقدر نحصل عليها ف حاله توافر قيم STC
كمان قي قيمه max voltage (Vm) اقصي قيمه جهد نقدر برجوا نحصل عليها ف جاله توافر حالات STC
من القيم ايضا Voc (open circuit voltage) قيمة الجهد اللى بيتم الحصول عليها ف حاله ال open circuit ودى ع اساسها بنحدد ع اساسها قيم الحمايات
قيمة كمان وهى قيمه Isc (short circuit current)
قيم التيار فى حاله حدوث short circuit
من القيم المهمه جدا فى اى داتا شيت هى قيمه المعامل الحرارى للباور والتيار والجهد
Temperature coefficient of power
Temperature coefficient of current
Temperature coefficient of voltage
ومهمتها بعرفنا شده تاثر الباور الناتجة والتيار والجهد بتغير درجه الحرارة
لان درجه الحراره من العوامل اللى بتاثر بشده فى الالواح الشمسية وبتقلل من قيمه الجهد وكذلك الباور الناتجه ف لابد من معرفه قيمتها لانها بتقولنا هيقل بقيمه قد ايه ف بندخلها معانا من ضمن الحسابات عشان نعمل حسابها ف المفاقيد اللى بتحصل ف باور اى لوح شمسي
كمان بيهمنا الابعاد الخاصه باللوح الشمسي
وكفاءة اللوح
وكمان من الحاجات المهمه هى الضمان للوح الشمسي
وافضل انواع الضمان انه يكون خطى بمعنى ان اى لوح شمسي عمره الافتراضي بيكون 25عام بس طبعا بيقل كل عام بنسبه ف يهمنا ان القيمه اللى بتقل دى تكون خطي
Linear Grantee

بكدا تقدر لما تشوف اى لوح شمسي وتطلب الداتا شيت الخاصه بيه تقدر تفهم منه هل اللوح كويس ولا لا
وكمان الحاجات دى بيكون فى جزء منها مكتوبه على ظهر اللوح الشمسي....
من افضل الانواع الموجودة فى السوق
Jinko
Suntech
Amerisolar
Trina solar
واى نوع هيكون متواجد تقدر تحكم ع كفائته لما تشوف الداتا شيت الخاصه بيه ....
بمدا نكون خلصنا كل ما يخص اللوح الشمسي يارب تكونوا استفدتوا بيه
لو فى اى شئ محتاج توضيح ف احنا بنشرف باسئلتكم
والمقال الجاي هنكلم عن تاني مكون من منظومات الطاقه الشمسية...