هنكلم النهارده عن مكون تانى بيكون موجود في منظومات الطاقه الشمسية وهو البطاريه...
البطاريات اللى بيتم استخدامها فى منظومات الطاقه الشمسية بتكون من النوع ال deep cycle او ما يعرف ببطاريات التفريغ العميق ودى بتتميز باننا بنقدر ناخد منها نسيه تفريغ تصل الى 80% من سعه البطاريه..
خلينا نوضح لكم ان البطاريات اصلا نوعين اما تكون بطاريه بدء( starter battery ) ودى زى بطاريات السيارات ودى لا يمكن استخدامها فى الطاقه الشمسية حيث ان النسبه اللي نقدر ناخدها من السعه التخزينيه ليها لا تتعدى ال 30% وبنحصل عليها فى زمن تفريغ سريع
و نوع اخر هو بطاريات التفريغ العميق ودى اللي بيتم استخدامها عندنا فى الطاقه الشمسية
وفى منها انواع :
البطاريات ال flooded (بطاريات مغمورة)
بطاريات الجيل (gel batteries)
بطاريات ال AGM
كل نوع من البطاريات دى ليه مميزاته وليه عيوبه
فمثلا النوع الاول ال flooded مميزاتها انها رخيصه مقارنة بباقي الانواع لكن عيوبها انها تحتوى ع سائل بيكون محتاج تزويد كل فترة كمان في بعض التطبيقات لا يمكن استخدامها فيهم كمان خروج ابخرة منها ..
النوع الثانى الجيل (GEL Batteries )
مميزاته انه عمره الافتراضي اعلى، كمان بتعطى اداء كويس فى اختلاف درجات الحرارة ، يمكن استخدامها في بعض التطبيقات المتحركة زى عربات الجولف أو اليخوت
عيوبها ان سعرها اعلى من النوع الاول وان وزنها بيكون كبير نوعا ما..
النوع الثالث
بطاريات ال AGM مميزاتها انها اخف فى الوزن تتمتع بعمر افتراضي اعلى من النوعين السابقين كفاءتها اعلي
وبالمقابل فان سعرها اعلي من الجيل ومن السائله
البطاريات بيتم اختيارها علي اساس عده عوامل ومواصفات
هنكلم عن كل الحاجات دى فى المقال الجاى باذن الله ...