هنكلم النهارده معاكم عن الطاقه الشمسية الضوئيه او مايعرف بخاصيه الفوفولتيكPhotovoltaic وازاى بنستغل الخاصيه دى فى توليد الكهرباء
اولا كلمة فوتوفولتيك يقصد بها تحويل الضوء الى كهرباء كما يتضح من تقسيم الكلمه لمقطعين فوتو (ضوء) فولتيك ( جهد)
عشان يتم التحويل ده هنحتاج ماده وسيطه تاخد الضوء ده فتتحرك فيها الكترونات تنتج عن حركتها كهرباء
الماده دى لازم تكون ماده شبه موصله عشان من خصائصها انها عند تسليط طاقه عليها بيكون من السهل كسر الروابط بين جزيئتها فيتم تحرير الالكترونات منها وينتج فرق جهد نتيجه حركتها
من المواد الشبه الموصله دى هى ماده السيلكون
ودى بالفعل اللى بنستخدمها لتصنيع الخلايا الشمسيه
بس مش بتكون لوحدها يجب اضافه بعض العناصر زى البرون والفسفور بنسب صغيره جدا بحيث انها تغير من بعض الصفات الموجودة فى السيلكون واللى بتساعد اكتر فى توليد اكبر كم من الطاقه
نتيجه ااضافه كل من عنصر البرون والفسفور على السيلكون والتسخين لدرجات حراره كبيره بينتج عندنا مايسمى بالوصله الثنائيه ( PN junction ) وهى فكرة عمل الخليه الشمسية اصلا اننا بنعمل وصله ثنائيه بين موصلين بينتج عنهم فرقق جهد
فى خلايا السيلكون بيكون فرق جهد الحاجز بين الوصلتين دول فى حدود 0.5 فولت عند توافر ظروف معينه لدرجه الحرارة والاشعاع
وده الجهد اللى بنقدر نحصل عليه من اى خليه شمسية سليكونيه
طيب ايه انواع الخلايا الشمسيه :
الخلايا الشمسية اما تكون كريستالين crystalline او خلايا Amorphous ودول اشهر اجيال الخلايا الشمسيه
الخلايا الشمسية الكريستاليه فى منها نوعين:
خلايا المونو كريستالين : وهى خلايا احاديه البلورة (يعنى الجزيئات مصطفه معا بترتيب منتظم وبشكل متكرر )
وخلايا البولى كريستالين: اى الخلايا المتعدده البلورات(تتكون من عدة بلورات مرتبه بشكل عشوائى)
خلايا الamorphous او الخلايا اللابلوريه وهى الخلاي اللى الجزيئات بتاعتها مترتبه بشكل عشوائي ومن انواعها خلايا ال thinfilm
كل نوع بيختلف عن الاخر فى طريقه تصنيعه وفى كفائته وفى سعره وكمان المساحه المطلوبه لكل نوع
يعنى هنلاقى ان خلايا المونو كريستالين هى افضل الانواع كفائهيليها خلايا البولى وبعدهم خلايا الthinfilm

بالنسبه للسعر خلايا ال thin film ارخص يليها البولى وبعدها المونو كريستال
ونتيجه لاختلاف الكفاءه فبالتالى بياثر على مساحه المطلوبه لتركيب الواح الطاقه الشمسية من كل نوع
فهنلاقى ان خلايا المونو هى الاقل فى المساحه المطلوبه واللى بتتراوح من 7 متر مربعل 10 متربع يليها البولى واللى بتحتاج لمساحه من 10 ل 13 متر مربع
وبعدهم خلايا ال thin film واللى بتحتاج لمساحه اكثر من 15 مترمربع
لكن الميزة الوحيده اللى فى الخلايا ال thinfilm وبتكون غير موجودة فى النوعين السابقين هى قدرتها على الطى flexible وده بيمكنها انها تستخدم احيانا فى استغلال واجهات المبانى او فى الابليكشن الصغيره زى شواحن بالطاقه الشمسية او اى منتج بيحتاج خاصيه الطى
كدا احنا وضحنا ايه خليه شمسية وايه الانواع الموجوده
المقال الجاى هنكلم عن اللوح الشمسي ازاى بيتم تصنيعه وايه افضل الشركات المصنعه والانواع الموجودة ف الاسواق وازاى نختار بين الانواع الافضل...