الانفرتر ( inverter ) او محول الجهد

مقال النهارده هيكون عن مكون مهم جدا ووجوده لا غنى عنه فى اى من منظومات الطاقه الشمسية
هو الانفرتر ( inverter ) او محول الجهد
من المعروف ان الجهد الكهربي نوعين زى ما اكلمنا قبل كدا
النوع الاول بيسمى جهد متناوب (AC) وده زى جهد شبكات كهرباء الحكومة (كهرباء عمومية)
وهو اللى مستخدم فى المنازل وكل المنشآت اللي بتعتمد ع كهرباء الحكومة وهو جهد غير موحد اتجاه اى اتجاه الموجه الناتجه بتتغير باستمرار بالتناوب فى الموجب والسالب ومن هنا جه اسمه ..

النوع الثانى :جهد مستمر ( DC ) وده زى جهد البطاريات والجهد الناتج من الالواح الشمسية وهو من اسمه بنفهم انه مستمر فى اتجاه واحد يعنة ع عكس المتناوب اللى بيغير اتجاهه ده بيفضل دائما ثابت
وعشان كدا مش بينفع اننا نشغل عليه الاجهزة الموجوده عندنا سواء ف البيت او اى جهاز مقنن انه يشتغل على النوع الاول
يعنى معنى ك ا اننا لو وصلنا الخلايا بمنظم الشحن ومعاهم البطاريات مينفعش اشغل عليه اجهزة البيت عشان كدا بنستخدم جهاز يحول الجهد من Dc الى ,AC اى من مستمر الى متردد
الجهاز ده هو محول الجهد (الانفرتر)
وظيفته انه يقوم بالتحويل بين جهد البطاريات او الالواح الى الجهد اللى اجهزه بتحتاجه
...
الانفرتر يوجد منه انواعه علي حسب نوع المنظومة اللى هيتركب فيها ومواصفاته ايصا هتحدد طبعا على حسب نوعه وعلى حسب المنظومة
هنوقف الكلام عن الانفرتر وهنكلم عن كل نوع من انواعه مع كل نوع من انواع المنظومات
وهندرسه مع كل نوع بالتفصيل زى ما اكلمنا عن المكونات السابقه
في المقال القادم هنكلم عن انواع منظومات الطاقه الشمسية
والمقال اللى بعده هنكلم عن كل نوع بالتفاصيل بالمكونات بتاعته وقتها هنقولكم باقي كلامنا عن الانفرتر ...

اضف تعليقا