انواع منظومات الطاقه الشمسية

اتكلمنا فى مجموعه المقالات اللي فاتت عن كل مكونات الطاقه الشمسية وشرحنا فيها كل مكون ايه هو وايه فايدته وازاى تختاره صح وتقدر تشوف لينكات المقالات اللى فاتت اول كومنت ....
هنكلم النهارده عن انواع منظومات الطاقه الشمسية اللى هتتعامل معاه لما تدخل المجال ده
لما تبدء تشتغل فى المجال لازم تبقي عارف ان موجود 3انواع اساسيه من المنظومات بتختار ما بينهم على حسب ظروف العميل بتاعك وعلى حسب احتياجاته ولازم تكون فاهك كل نوع كويس بحيث ان لو العميل مش محدد تقدر انا تقترح عليه المنظومه المناسبه وتقنعه بيها كمان ..😎
اول نوع والاشهر فى منظومات الطاقه
هو النوع الغير متصل بشبكه كهرباء الحكومة او ما يسمى بالاوف جريد سيستم ( Off Grid system ) النوع ده بيكون العميل معتمد اعتماد كلى على الطاقه الشمسية ومعندوش اى بديل غيرها
النوع الثاني
هو النوع المتصل بشبكه الكهرباء ويسمى اون جريد سيستم ( On Grid system) وهنا العميل بقا عباره عن محطه لتوليد الطاقه وتصديرها لشبكة الكهرباء اما بغرض توفير من فاتورته او بغرض الاستثمار ..هنكلم بالتفصيل عنه وعن كل ما يخصه باذن الله
النوع الثالث هو المنظومات المسئوله عن تشغيل محطات الري ( طلمبات الرى ) بانواعها وده من الانواع المطلوبه فى اماكن كتير للمميزات اللى بيقدمها وللمشاكل اللى حلها للمزارعين اللى بيعانوا من مشاكل الديزل
دى مجرد نبذه عن الثلاث انواع الرئيسيه فى الطاقه الشمسية
باذن الله من الجمعه الجايه هنكلم عن كل واحد بالتفصيل ايه المكونات بتاعته وامتى نستخدمه وكل ما يخصه باذن الله

اضف تعليقا