off grid system

المقال اللى فات اكلمنا عن انواع منظومات الطاقه الشمسية وعرفنا انهم 3 انواع
1- منظومات غير متصله بالشبكة
2- منظومات متصله بالشبكة
3- منظومات الرى
هنبدء باول نوع وهو المنظومات الغير متصله بالشبكة اوف جريد سيستم(off grid system )
هى المنظومات اللي بتكون مستقله عن شبكة الكهرباء وتعتمد اعتماد اساسي على الطاقه الشمسية طول الوقت
طيب ايه من المكونات اللى اكلمنا عنها فى المقالات اللى فاتت بتكون موجوده فى المنظومة دى 🤔
اولا: الالواح الشمسيه وهى المكون الأساسى فى منظومات الطاقة الشمسية الضوئية و المصدر الاساسي للطاقة
ثانيا: البطاريات ووجودها شئ اساسي لانها بتكون مصدر الجهد الثابت للاحمال وكمان وسيله للتخزين عشان ايام الغيوم وفترات الليل
ثالثا: منظم الشحن وده ليه وظيفتين زى ما قولنا قبل كده
ا- تنظيم عملية شحن البطاريات لان الالواح مش مصدر جهد ثابت
ب- الحفاظ على البطاريات من الشحن الزائد والتفريغ الزائد
رابعا: الانفرتر عشان لو هيتم تشغيل احمال Ac لكن لو هيتم تشغيل احمال DC يبقا مش بنستخدمه
طيب امتى تستخدم النوع ده او تعرضه على العميل؟
1- لو مكان مش واصل ليه شبكه حكومة
2- لو هو عنده مشكله فى الكهرباء انها بتقطع بصفه مستمرة ممكن تقترح عليه انه يعمل منظومة اوف جريد بحيث توفر له مده تشغيل وليكن ساعتين او ثلاث ساعات بمعنى اصح ك backup system
3- تعمل جزء من احمال العميل ك اوف جريد والباقي يشتغل على الشبكه عادى بحيث انه يقلل معاه الاستهلاك
4- وكمان كل انظمة اعمده الاناره بالطاقه الشمسية بتندرج تحت محطات الاوف جريد
كدا ده النوع الاول عرفنا .امتى نستخدمه
وايه مكوناته
المقال الجاى باذن الله نكلم عن النوع التاني

اضف تعليقا