مقالة من المهندس Mohamed Hany والمهندسة شيماء عامر
➖➖➖➖-➖-➖-➖-➖-➖-➖-➖-➖-➖-➖-
دلوقت جه دورنا مع مقالة مهمة جدا جدا وبداية الكلام العملي هنتكلم النهاردة عن مكونات منظومة الطاقة الشمسية ...
➖-➖➖-➖➖-➖➖-➖
تعالوا نحكيكلكم الحكاية من الاول نعرف ازاي بيتولد الطاقة الشمسية وايه مكونات المنظمة وفوايدها نتكلم عنهم المقالة دي بشكل عام والمقالات الجية عن كل مكون بشكل خاص
*➖-➖➖-➖➖-➖➖-➖*
نبدا بسم الله
الطاقه الشمسية هى الطاقه اللي بنحصل عليها من ضوء الشمس عن طريق تحويل الضوء الى كهرباء
طيب ايه اللى بيقوم بالوظيفة دى ؟
➖-➖➖-➖➖-➖➖-➖
اللى بيقوم بالوظيفة دى هو اللوح الشمسي (solar module )
واللوح الشمسي بيعمل ع اساس خاصية الفوتوفولتيك photovoltaic اى تحويل الضوء الى فولت
وده طبعا اهم شئ فى المنظومة
طيب طول اليوم وفى شمس معندناش مشكلة ولا قلق من الطاقه الشمسية بس اية حصل في الليل او فى ايام الشتاء اللى بيكون فيها غيوم
هنا بتظهر اهمية المكون التانى ..............
هو البطاريات ا (وسيلة تخزين الطاقه) مهمتها انها بتخزن الطاقه خلال فترات غياب الشمس سواء فى الليل او ايام ظروف الحو السيئة وطبعا مش اى نوع بطاريه بنستخدمه وده هنكلم عنه بالتفصيل في مقال لوحده
طيب البطارية محتاجة انها مش تفضل تشحن بشكل مستمر ولا تفرغ بشكل عالي
ف هما بيظهر مكون تانى...............
وهو منظم الشحن ( charge controller ) من اسمه انه بيقوم بتنظيم عملية الشحن للحفلظ على البطاريةمن الشحن الزائد او من التفريغ الزائد ازاى هيقوم بالعملية دى هنشرحها ف المقال الخاص به باذن الله
لما نيجى نكلم عن اللوح الشمسي بالتفصيل هنلاقي ان التيار اللى بنحصل عليه منه هو تيار مستمر DC يعنى مقدرش نشغل عليه الاحمال الموجودة عندنا ف المنازل
ولحل المشكلة ............
دى بنستخدم محول للجهد (inverter )مهمته انه يحول الجهد المستمر الى جهد متردد AC يعنى نفس التيار الموجود بالمنازل ونقدر نشغل عليه الاحمال
يبقا المكونات الاساسية اللي بتكون موجودة في اى منظومة طاقه شمسية هما ( اللوح الشمسي + البطاريات+ منظم الشحن + الانفرتر )
طبعا المكونات دى ممكن تكون موجودة كلها او بعض منها وده بيتوقف على نوع المنظومة بتاعتنا زى ما ههنوضح
المكونات دى طبيعى يبقا معاها كابلات وطبعا طالما التيار عندى DC فهنستخدم كابلات DCباقطار مختلفه بتتراوح ما بين 4 مم و 8مم و16مم
اى سيستم لازم يكون فيه ادوات حمايه زى الفيوز والسيركيت بريكر
ولازم طبعا حامل نثبت عليه الالواح بتاعتنا وى ما هنشوف وقت شرح التركيب باذن الله
دى كانت نبذه سريعه عن المكونات اللى هنتعامل معاها
المقال القادمة هنتكلم عن الادوات المستخدمة وبعدها هنبدء نكلم عن كل مكون
هنبدء المرة الجاى باللوح الشمسي وازى بيقوم بالوظيفه بتاعته وايه مكوناته وانواعه ... باذن الله
------------------------
وزي ما وعدناكم عندنا مقالتين في الاسبوع 😃
نرحب بأي سؤال او استفسار في التعليقات ..
برجاء ياشباب #التفاعل مع المحاضرين #تعليق او #شير عرفوهم انهكم متابعين ومصحصحين 😍😍