(13)

بداية كلامي صدفه بشتغل مندوب وعمري ف حياتي ماقولت علي حاجه مابعرفهاش واسمي الجينيص هههه قاعد مع تاجر قالي بص ع الكاميرات قولت مش هتبقي اسهل من صيانه الكومبيوتر اللي انا متعلمها

سلك علي سلك علي سلك ايه ياعم كل دي سلوك قطعتها وجبت حته سلك متر ونص نت وشغلت اربع كميرات علي سلك واحده كل واحده طرفين وقولتله بس اهي اتحلت ده اللي عملك الشغل ده غبي هههههههه

واشتريت لفه سلك نت 300 متر وروحت بيها من المنيا لجرجا شايلها ف القطر وبعدين رميت اول خمسين متر ههههه واشووف ايه العاب ناريه علي الشاشه وحاجات بترقص قالي ايه ده ياحج هههههههه

لميت السلك ومشيت رجعت المنيا اشتريت سلك لفه ب750 ج بالعافيه اللي هي ار جي 58 وروحت هناك مش اسكت لا روحت اشتريت كاميرتين اتش دي والجهاز عند الراجل اصلا اصلا انالوج

وانا مش فاهم حاجه اصلا وفردت السلك راح اشتغل معايا و الكاميرات لبستهاااااا طبعا حتي الراجل مارجعهاش وخددت 200 ج وفرحت مع اني لبست كاميرتين ولفه سلك تمنهم 900 ج

ومن هنا بدائت الفكره بحثت ع النت جبت الكورس بتاع الهندسه بتاعنا "ياسرالزنوني "  وفهمت كتييييييييييييييييييييييييييييير اني افتح كورس تاني بعدك مستحيل هههههههه ودخلت السوق بقلب واشتريت شغل ب كل اللي حيلتي 17 الف ج

ولسه عندي شغل لبسته قاعدلي والله لحد دلوقتي ماطلع ودوست ف شغلي ولو كل يوم بتعلم معلومه احسن ليا ولما غلطت غلطه ف شغلي صاحب الشغل قالي همشيك ادايقت وقرصت علي نفسي لحد ماعملت لنفسي هدف بس لسه ماوصلتش

عاوز اتعلم حاجات كتير جدا عاوز شغل كتييييييييييييييييييييييييييير لو كل يوم اركب شغل واشقي كده زي زمان الفنيخه زفت والله وعلي فكره ال17 الف لسه زي ماهما هههههههه

MosTafa Elsobky

مصر